WILAYA YA MKINGA YAFANYA MAADHIMISHO YA SIKU YA MASHUJAA KWA ZOEZI LA USAFI HOSPITALI YA WILAYA

Posted on: July 25th, 2024

Na: Nassoro Rashid - Mkinga DC Habari

Wilaya ya Mkinga yaadhimisha siku ya kumbukumbu ya Mashujaa leo Julai 25, 2024 kwa kufanya usafi katika eneo la Hospitali ya Wilaya.

Zoezi hilo la usafi limeongozwa na Katibu Tawala wa wilaya ya Mkinga Ndugu Palango Salum Abdul kwa kushirikiana na Mkurugenzi Mtendaji wa Halmashauri Ndugu Rashid Karim Gembe.

Sambamba na hayo makundi mbalimbali yameshiriki katika zoezi hilo la Usafi yakiwemo Watumishi kutoka ofisi ya Mkuu wa wilaya, Ofisi ya Mkurugenzi, Takukuru, Jeshi la Wananchi, Magereza, Uhamiaji, Jeshi la Akiba pamoja na viongozi wa Kata ya Parungu Kasera, Kijiji cha Kasera na Wananchi.

#Kaziiendelee