DAS WILAYA YA MKINGA ATEMBELEA VIPANDO VYA HALMASHAURI KULEKEA MAANDALIZI YA MAONESHO YA NANENANE MKOANI MOROGORO

Posted on: June 28th, 2024

Na: Nassoro Rashid - Mkinga DC Habari

Katibu Tawala wilaya ya Mkinga Ndugu Palango Salum Abdul leo Juni 28, 2024 ameongozana na Katibu Tawala msaidizi uchumi na uzalishaji Mkoa wa Tanga Mhandisi Emigidius Kasunzu kufanya ukaguzi wa hali ya vipando katika banda la Halmashauri hiyo kwenye viwanja vya maonesho ya Nanenane mkoani Morogoro ikiwa ni maandalizi kuelekea maadhimisho ya kitaifa ya sikukuu ya wakulima na wafugaji.

Katika zoezi hilo pia alikuwepo Afisa Kilimo wilaya Ndugu Octavian Moshiro pamoja na Afisa Mifugo (W) ambao wamekuwa wakihakikisha maandalizi ya vipando hivyo vinakuwa katika hali nzuri mpaka kufikia maadhimisho ya sikukuu hiyo Agosti 8.

Kauli mbiu ya maadhimisho ya Nanenane kwa mwaka 2024 inasema "Chagua viongozi bora wa Serikali za mitaa kwa maendeleo ya Kilimo, Mifugo na Uvuvi".

#Kaziiendelee